Bhagyavantaru - Ninna Nanna Manavu Seritu (ನಿನ್ನ ನನ್ನ ಮನವು ಸೇರಿತು)

ನಿನ್ನ ನನ್ನ ಮನವು ಸೇರಿತು, ನನ್ನ ನಿನ್ನ ಹೃದಯಾ ಹಾಡಿತು,
ನಿನ್ನ ನನ್ನ ಮನವು ಸೇರಿತು, ನನ್ನ ನಿನ್ನ ಹೃದಯಾ ಹಾಡಿತು,
ರಾಗವು ಒಂದೆ  ಭಾವವು ಒಂದೆ, ಜೀವ ಒಂದಾಯಿತು, ಬಾಳು ಹಗುರಾಯಿತು.
ನಿನ್ನ ನನ್ನ ಮನವು ಸೇರಿತು, ನನ್ನ ನಿನ್ನ ಹೃದಯಾ ಹಾಡಿತು.

ಏಕಾಂಗಿಯಾಗಿರಲು ಕೈ ಹಿಡಿದೆ, ಜೊತೆಯಾದೆ
ತಾಯಂತೆ ಬಳಿ ಬಂದೆ, ಆದರಿಸಿ ಪ್ರೀತಿಸಿದೆ
ಬಾಳಲಿ ಸುಖ ನೀಡಿದೆ, ನನ್ನೀ ಬದುಕಿಗೆ ಶೃತಿಯಾದೆ,
ನನ್ನೀ ಮನೆಯಾ ಬೆಳಕಾದೆ.

ನಿನ್ನ ನನ್ನ ಮನವು ಸೇರಿತು, ನನ್ನ ನಿನ್ನ ಹೃದಯಾ ಹಾಡಿತು.

ಎಂದೂ ಜೊತೆಯಲಿ ಬರುವೆ, ನಿನ್ನ ನೆರಳಿನ ಹಾಗೆ ಇರುವೆ,
ಕೊರಗದಿರು, ಮರುಗದಿರು, ಹಾಯಾಗಿ ನೀನಿರು.
ಎಂದೂ ಜೊತೆಯಲಿ ಬರುವೆ, ನಿನ್ನ ಉಸಿರಲಿ ಉಸಿರಾಗಿರುವೆ,
ನೋವುಗಳು ನನಗಿರಲಿ, ಆನಂದ ನಿನದಾಗಲಿ.
ನಗುವಿನ ಹೂಗಳ ಮೇಲೆ, ನಡೆಯುವ ಭಾಗ್ಯ ನಿನಗಿರಲಿ,
ನೋಡುವ ಭಾಗ್ಯ ನನಗಿರಲಿ.

ನಿನ್ನ ನನ್ನ ಮನವು ಸೇರಿತು, ನನ್ನ ನಿನ್ನ ಹೃದಯಾ ಹಾಡಿತು,
ರಾಗವು ಒಂದೆ ಭಾವವು ಒಂದೆ, ಜೀವ ಒಂದಾಯಿತು, ಬಾಳು ಹಗುರಾಯಿತು.
ನಿನ್ನ ನನ್ನ ಮನವು ಸೇರಿತು, ನನ್ನ ನಿನ್ನ ಹೃದಯಾ ಹಾಡಿತು.

Nagarahole - Ille Swarga Ille Naraka (ಇಲ್ಲೇ ಸ್ವರ್ಗ ಇಲ್ಲೇ ನರಕ)

ಆ ಅಹಾ..  ಆಹಆಹ  ಹಹಹಾ

ಇಲ್ಲೇ ಸ್ವರ್ಗ ಇಲ್ಲೇ ನರಕ ಮೇಲೇನಿಲ್ಲ ಸುಳ್ಳು
ಹುಟ್ಟು ಸಾವು ಎರಡರ ಮಧ್ಯೆ ಮೂರು ದಿನದ ಬಾಳು
ಏ ಮೂರು ದಿನದ ಬಾಳು

ಇಲ್ಲೇ ಸ್ವರ್ಗ ಇಲ್ಲೇ ನರಕ ಮೇಲೇನಿಲ್ಲ ಸುಳ್ಳು
ಹುಟ್ಟು ಸಾವು ಎರಡರ ಮಧ್ಯೆ ಮೂರು ದಿನದ ಬಾಳು
ಏ ಮೂರು ದಿನದ ಬಾಳು

ಕಪ್ಪು ಬಿಳುಪು ಬಣ್ಣ ಹೇಗೊ ಹಗಲು ರಾತ್ರಿ ಹಾಗೆ
ನಗುವು ಅಳುವು ಎರಡೂ ಉಂಟು ಬೇಡ ಅಂದ್ರೆ ಹೇಗೆ
ಬಂದಾಗ ನಗುವೆ ಹೋದಾಗ ಮಾತ್ರ ಕಣ್ಣೀರೇಕೊ ಕಾಣೆ
ಕಸಿದುಕೊಳ್ಳುವ ಹಕ್ಕು ಎಂದು ಕೊಟ್ಟೋನ್ಗೇನೆ ತಾನೆ

ಇಲ್ಲೇ ಸ್ವರ್ಗ ಇಲ್ಲೇ ನರಕ ಮೇಲೇನಿಲ್ಲ ಸುಳ್ಳು
ಹುಟ್ಟು ಸಾವು ಎರಡರ ಮಧ್ಯೆ ಮೂರು ದಿನದ ಬಾಳು
ಏ ಮೂರು ದಿನದ ಬಾಳು

ಬಿಸಿಲಿಗೆ ಕರಗೋ ಮಂಜೇನಲ್ಲ ಕಷ್ಟ ನಷ್ಟ ಎಲ್ಲ
ಎದುರಿಸಬೇಕು ಧೈರ್ಯದಿಂದ ಬೇರೆ ದಾರಿಯಿಲ್ಲ
ಬೆಟ್ಟ ಕೊರೆದು ದಾರಿ ಮಾಡಿ ನೀರು ನುಗ್ಗೋ ಹಾಗೆ
ಮುಂದೆ ನುಗ್ಗಿ ಹೋದ್ರೆ ತಾನೆ ದಾರಿ ಕಾಣೋದ್ ನಮ್ಗೆ

ಇಲ್ಲೇ ಸ್ವರ್ಗ ಇಲ್ಲೇ ನರಕ ಮೇಲೇನಿಲ್ಲ ಸುಳ್ಳು
ಹುಟ್ಟು ಸಾವು ಎರಡರ ಮಧ್ಯೆ ಮೂರು ದಿನದ ಬಾಳು
ಏ ಮೂರು ದಿನದ ಬಾಳು
ಹೋ ಮೂರು ದಿನದ ಬಾಳು

Kittu Puttu - Kalavannu Tadeyoru Yaru Illa (ಕಾಲವನ್ನು ತಡೆಯೋರು ಯಾರು ಇಲ್ಲಾ)

ಆಹಾ.. ಏಹೇ
ಏಹೇ.. ಹಾ ಹಾ

ಕಾಲವನ್ನು ತಡೆಯೋರು ಯಾರು ಇಲ್ಲಾ, ಗಾಳಿಯನ್ನು ಹಿಡಿಯೋರು ಎಲ್ಲು ಇಲ್ಲಾ
ನಿನ್ನಿಂದ ನನ್ನ, ನನ್ನಿಂದ ನಿನ್ನ ದೂರ ಮಾಡಲು ಎಂದೂ ಆಗೋಲ್ಲಾ ಆ ಆ

ಕಾಲವನ್ನು ತಡೆಯೋರು ಯಾರು ಇಲ್ಲಾ, ಗಾಳಿಯನ್ನು ಹಿಡಿಯೋರು ಎಲ್ಲು ಇಲ್ಲಾ
ನಿನ್ನಿಂದ ನನ್ನ, ನನ್ನಿಂದ ನಿನ್ನ ದೂರ ಮಾಡಲು ಎಂದೂ ಆಗೋಲ್ಲಾ ಆ ಆ
ಕಾಲವನ್ನು ತಡೆಯೋರು ಯಾರು ಇಲ್ಲಾ

ಊರೊಂದೂ ಏತಕೆ ಬೇಕೂ, ಮನೆಯೊಂದೂ ಏಕಿರಬೇಕೂ
ಎಲ್ಲಿರಲಿ ನಮ್ಮ ಊರದೆ, ನಮಗಿನ್ನು ಯಾರ ಹಂಗಿದೆ, ಬಾಳೆಲ್ಲ ಆನಂದ ಒಂದೇ

ನೂರೆಂಟೂ ಮಾತುಗಳೇಕೇ, ನೂರಾರೂ ಆಸೆಗಳೇಕೇ
ಎದುರಲ್ಲಿ ನೀನು ನಿಂತಿರೆ, ಕಣ್ಣಲ್ಲಿ ಕಣ್ಣು ಬೆರೆತಿರೆ, ನಾನಿಂದು ಹೊಸ ಲೋಕ ಕಂಡೇ

ಕಾಲವನ್ನು ತಡೆಯೋರು ಯಾರು ಇಲ್ಲಾ, ಗಾಳಿಯನ್ನು ಹಿಡಿಯೋರು ಎಲ್ಲು ಇಲ್ಲಾ
ನಿನ್ನಿಂದ ನನ್ನಾ, ನನ್ನಿಂದ ನಿನ್ನ ದೂರ ಮಾಡಲು ಎಂದೂ ಆಗೋಲ್ಲಾ ಆ ಆ
ಕಾಲವನ್ನು ತಡೆಯೋರು ಯಾರು ಇಲ್ಲಾ

ಏನೊಂದೂ ಕೇಳದು ನಮಗೇ, ಬೇರೇನೂ ಬೇಡವು ನಮಗೇ
ಒಲವೊಂದೆ ನಮಗೆ ದೇವರು, ಇನ್ಯಾರು ನಮಗೆ ಕಾಣರು, ನಮಗಿನ್ನು ಸರಿ ಸಾಟಿ ಯಾರೂ

ಎಂದೆಂದೂ ಮುಗಿಯದೆ ಇರಲೀ, ಈ ಪಯಣಾ ಸಾಗುತಲಿರಲೀ
ನಗುನಗುತಾ ಹೀಗೆ ಬಾಳುವ, ಒಂದಾಗಿ ಮುಂದೆ ಹೋಗುವ, ಹಾಯಾಗಿ ಜೊತೆಯಾಗಿ ನಾವೂ

ಕಾಲವನ್ನು ತಡೆಯೋರು ಯಾರು ಇಲ್ಲಾ, ಗಾಳಿಯನ್ನು ಹಿಡಿಯೋರು ಎಲ್ಲು ಇಲ್ಲಾ
ನಿನ್ನಿಂದ ನನ್ನ, ನನ್ನಿಂದ ನಿನ್ನ ದೂರ ಮಾಡಲು ಎಂದೂ ಆಗೋಲ್ಲಾ ಆ ಆ

ಕಾಲವನ್ನು ತಡೆಯೋರು ಯಾರು ಇಲ್ಲಾ, ಗಾಳಿಯನ್ನು ಹಿಡಿಯೋರು ಎಲ್ಲು ಇಲ್ಲಾ

Auto Raja - Hosa Baalu (ಹೊಸ ಬಾಳು ನಿನ್ನಿಂದ)

ಹೊಸ ಬಾಳು  ನಿನ್ನಿಂದ
ಹೊಸ ಬಾಳು  ನಿನ್ನಿಂದ, ನೀ ತಂದೆ ಆನಂದ
ನಿನ್ನ ನಾ ನೋಡಲು, ಹೊ, ನಿನ್ನ ನಾ ಸೇರಲು
ತನುವೂ ಹೂವಾಯ್ತು, ಮನವೂ ಜೇನಾಯ್ತು
ತನುವೂ ಹೂವಾಯ್ತು, ಮನವೂ ಜೇನಾಯ್ತು

ಹೊಸ ಬಾಳು  ನಿನ್ನಿಂದ, ನೀ ತಂದೆ ಆನಂದ
ನಿನ್ನ ನಾ ನೋಡಲು, ಹಾ, ನಿನ್ನ ನಾ ಸೇರಲು

ನಿನ್ನ ನಾ ಮೆಚ್ಚಿ, ನನ್ನ ನೀ ಮೆಚ್ಚಿ
ಪ್ರೀತಿಯಿಂದ ಮನಸು ಬಿಚ್ಚಿ ಮಾತನಾಡಿ
ನೀನೇ ನನ ಜೋಡಿ, ಎಂದು ಕೈ ನೀಡಿ ಸಂಗಾತಿ ಆದೆನು
ನಿನ್ನ ಸ್ನೇಹಕ್ಕೆ, ನಿನ್ನ ಪ್ರೇಮಕ್ಕೆ ಎಂದೊ ಸೋತುಹೋದೆ ಮುದ್ದುನಲ್ಲ
ನಿನ್ನ ಮಾತಲ್ಲಿ, ಕಣ್ಣ ಮಿಂಚಲ್ಲಿ ನೀರಾಗಿ ಹೋದೆನು, ನೀರಾಗಿ ಹೋದೆನು

ಹೊಸ ಬಾಳು  ನಿನ್ನಿಂದ, ನೀ ತಂದೆ ಆನಂದ
ನಿನ್ನ ನಾ ನೋಡಲು, ಹಾ, ನಿನ್ನ ನಾ ಸೇರಲು

ಲಾಲಾ ಲಲ ಲಾಲಾ,
ಲಾಲಾ ಲಾಲಾಲ,
ಲಾಲಾ ಲಾಲಾಲ, ಲಾಲ್ಲಾ

ಮಾತ ಒಂದಾಗಿ, ಆಸೆ ಒಂದಾಗಿ, ನಿನ್ನ ನನ್ನ ಮನಸು ಬೆರೆತು ಹೋಗಿ
ಬಯಕೆ ಹೂವಾಗಿ, ಪ್ರೀತಿ ಹಣ್ಣಾಗಿ, ಒಂದಾಗಿ ಹೋದೆವು

ಮಾತು ಬಂಗಾರ, ಗುಣವು ಬಂಗಾರ
ನನ್ನ ರಾಜ ನನ್ನ ಬಾಳ ಬಂಗಾರ
ನೀನು ನನ್ನಂತೆ, ನಾನು ನಿನ್ನಂತೆ, ನೀ ನನ್ನ ಜೀವವು, ನೀ ನನ್ನ ಜೀವವು

ಹೊಸ ಬಾಳು  ನಿನ್ನಿಂದ
ಹೊಸ ಬಾಳು  ನಿನ್ನಿಂದ, ನೀ ತಂದೆ ಆನಂದ
ನಿನ್ನ ನಾ ನೋಡಲು, ಹೊ, ನಿನ್ನ ನಾ ಸೇರಲು
ತನುವೂ ಹೂವಾಯ್ತು, ಮನವೂ ಜೇನಾಯ್ತು
ತನುವೂ ಹೂವಾಯ್ತು, ಮನವೂ ಜೇನಾಯ್ತು

ಹೊಸ ಬಾಳು  ನಿನ್ನಿಂದ, ನೀ ತಂದೆ ಆನಂದ
ನಿನ್ನ ನಾ ನೋಡಲು, ಹೊ, ನಿನ್ನ ನಾ ಸೇರಲು
ಲಲ್ಲಾ ಲಾಲಲ್ಲಾ

Vijayavani Madhumasa chandrama (ಮಧುಮಾಸ ಚಂದ್ರಮ, ನೈದಿಲೆಗೆ ಸಂಭ್ರಮ)

ಸಾಹಿತ್ಯ: ಆರ್. ಎನ್. ಜಯಗೋಪಾಲ್
ಸಂಗೀತ: ರಾಜನ್ ನಾಗೇಂದ್ರ
ಗಾಯನ: ಎಸ್ ಜಾನಕಿ ಮತ್ತು ವಾಣಿ ಜಯರಾಂ

ಮಧುಮಾಸ ಚಂದ್ರಮ, ನೈದಿಲೆಗೆ ಸಂಭ್ರಮ (೨)
ಒಲವಿನಾ ಲೋಕಕೆ ನೀ ತಂದೆ ಪೌರ್ಣಿಮಾ
ಮಧುಮಾಸ ಚಂದ್ರಮ, ನೈದಿಲೆಗೆ ಸಂಭ್ರಮ (೨)
ಒಲವಿನಾ ಲೋಕಕೆ ನೀ ತಂದೆ ಪೌರ್ಣಿಮಾ
ಮಧುಮಾಸ ಚಂದ್ರಮ, ನೈದಿಲೆಗೆ ಸಂಭ್ರಮ

ನಾ ಪ್ರೇಮದರಮನೆಯಲ್ಲಿ, ವೈಭೋಗ ಸಿರಿಯನು ಕಂಡೆ
ನನ್ನೆದೆಯ ಸಿಂಹಾಸನದಿ ನೀ ರಾಜ್ಯವಾಳಿದೆ

ನೀ ನನ್ನ ಬಾಳಿನ ಪುಟದೆ ಅನುರಾಗ ಕವಿತೆಯ ಬರೆದೆ
ನಾನಾಗ ಭಾವದ ಹೊಳೆಯ ಅಲೆಯಲ್ಲಿ ತೇಲಿದೆ
ಅಲೆಅಲೆಯಲಿ ತೇಲಿ ತೇಲಿದೆ
ಮಧುಮಾಸ ಚಂದ್ರಮ, ನೈದಿಲೆಗೆ ಸಂಭ್ರಮ  (೨)

ರಸಪೂರ್ಣ ಮೈತ್ರಿಯ ಸಮಯ ನೂರಾಸೆ ಕಡಲಿದು ಹೃದಯ
ನೀನಡೆಸು ಅಂಬಿಗನಾಗಿ ಒಲವೆಂಬ ನೌಕೆಯ
ಬಂಗಾರ ತೇರನು ಏರೀ ನಾ ನಿನ್ನ ಸಂಗದಿ ಬೆರೆವೆ
ಸುಖವೆಂಬ ಉಯ್ಯಾಲೆಯಲಿ ಸಖ ನಿನ್ನ ತೂಗುವೆ
ಹಾಯಾಗಿ ತೂಗಿ ತೂಗುವೆ

ಮಧುಮಾಸ ಚಂದ್ರಮ, ನೈದಿಲೆಗೆ ಸಂಭ್ರಮ (೨)
ಒಲವಿನಾ ಲೋಕಕೆ ನೀ ತಂದೆ ಪೌರ್ಣಿಮಾ
ಮಧುಮಾಸ ಚಂದ್ರಮ, ನೈದಿಲೆಗೆ ಸಂಭ್ರಮಾ ..

Nagarahavu - Havina Dwesha Hanneradu Varusha (ಹಾವಿನ ದ್ವೇಷ ಹನ್ನೆರಡು ವರುಷ)

ಹಾವಿನ ದ್ವೇಷ ಹನ್ನೆರಡು ವರುಷ
ಹಾವಿನ ದ್ವೇಷ ಹನ್ನೆರಡು ವರುಷ
ನನ್ನ ರೋಷ ನೂರು ವರುಷ

ನನ್ನ ರೋಷ ನೂರು ವರುಷ
ಹಾವಿನ ದ್ವೇಷ ಹನ್ನೆರಡು ವರುಷ

ಈ ಅಂಜದ ಎದೆಯಲಿ ನಂಜೇ ಇಲ್ಲ
ಬಗ್ಗುವ ಆಳಲ್ಲಾ, ತಲೆ ತಗ್ಗಿಸಿ ಬಾಳೊಲ್ಲಾ
ಆ ಲಂಕೆಯ ಸುಟ್ಟ ಬೆಂಕಿ ಯಾವ ಕೇಡನು ಮಾಡಿಲ್ಲಾ
ಆದರೆ ಸೇಡನು ಬಿಡಲಿಲ್ಲಾ
ಅಭಿಮಾನವ  ಬಿಡಲೊಲ್ಲೇ, ಅಪಮಾನವ ಸಹಿಸೊಲ್ಲೇ
ಅನ್ಯಾಯವ ಮಾಡೊಲ್ಲೇ, ಹಾ

ಹಾವಿನ ದ್ವೇಷ ಹನ್ನೆರಡು ವರುಷ
ಹಾವಿನ ದ್ವೇಷ ಹನ್ನೆರಡು ವರುಷ
ನನ್ನ ರೋಷ ನೂರು ವರುಷ

ನನ್ನ ರೋಷ ನೂರು ವರುಷ
ಹಾವಿನ ದ್ವೇಷ ಹನ್ನೆರಡು ವರುಷ

ಆ ದೇವರನೆಂದಿಗು ದೂರೋದಿಲ್ಲ, ನಂಬಿಕೆ ನೀಗೊಲ್ಲಾ
ನಾ ದಾರಿ ತಪ್ಪೊಲ್ಲಾ
ನಾ ಇಟ್ಟರೆ ಶಾಪ, ಕೊಟ್ಟರೆ ವರ ನೀತಿಯ ಮೀರೋಲ್ಲಾ
ನಾ ಒಲಿದರೆ ಕೇಡಿಲ್ಲಾ
ಆಕ್ರೋಶದ ಉರಿ ನಾನು, ಆವೇಗದ ವಶ ನಾನು
ಆ ಪ್ರೇಮಕೆ ಒಲಿದೇನು, ಹ ಹ ಹಹ್ಹ

ಹಾವಿನ ದ್ವೇಷ ಹನ್ನೆರಡು ವರುಷ
ಹಾವಿನ ದ್ವೇಷ ಹನ್ನೆರಡು ವರುಷ
ನನ್ನ ರೋಷ ನೂರು ವರುಷ

ನನ್ನ ರೋಷ ನೂರು ವರುಷ
ಹಾವಿನ ದ್ವೇಷ ಹನ್ನೆರಡು ವರುಷ

ಆ ರಾಮನು ಇಟ್ಟ ಬಾಣದ ಗುರಿಯು ಎಂದು ತಪ್ಪಿಲ್ಲಾ
ಎಂದೆಂದೂ ತಪ್ಪಿಲ್ಲಾ
ಈ ರಾಮಾಚಾರಿನ್ ಕೆಣಕೊ ಗಂಡು ಇನ್ನು ಹುಟ್ಟಿಲ್ಲಾ, ಹ ಹ ಹಹ್ಹ
ಆ ಗಂಡೆ ಹುಟ್ಟಿಲ್ಲಾ
ಆ ಭೀಮನ ಬಲದವನು, ಚಾಣಿಕ್ಯನ ಛಲದವನು
ಈ ದುರ್ಗದ ಹುಲಿ ಇವನೂ, ಹಾ

ಹಾವಿನ ದ್ವೇಷ ಹನ್ನೆರಡು ವರುಷ
ಹಾವಿನ ದ್ವೇಷ ಹನ್ನೆರಡು ವರುಷ
ನನ್ನ ರೋಷ ನೂರು ವರುಷ

ನನ್ನ ರೋಷ ನೂರು ವರುಷ
ಹಾವಿನ ದ್ವೇಷ ಹನ್ನೆರಡು ವರುಷ

Katha Sangama - O Dyavre (ಓ ದ್ಯಾವ್ರೇ)

ಓ ದ್ಯಾವ್ರೇ, ಓ ದ್ಯಾವ್ರೇ 
ನಿನ್ನ ಅಂದ ಚಂದವೇನೊ ಎಂದೂ ನಾ ಕಾಣೆ
ನಿನ್ನ ನೆನೆದು ಹಿಗ್ಗಿ ಹಿಗ್ಗಿ ಕುಣಿವೆ ನಿನ್ನಾಣೆ
ಓ ದ್ಯಾವ್ರೇ

ಏ ಹೂವೆ ನಿನ್ನ ಚೆಲುವ ನಾ ಕಂಡೆ ಇಲ್ಲಾ
ಚೆಲುವು ರೂಪು ಅಂದರೆನೊ ನಂಗೆ ಗೊತ್ತೇ ಇಲ್ಲಾ
ನಿನ್ನ ಗಮ ಗಮ ನನ್ನ ಮನವ ತುಂಬೈತಲ್ಲಾ, ತುಂಬೈತಲ್ಲಾ
ಓ ದ್ಯಾವ್ರೇ, ನಿನ್ನ ಅಂದ ಚಂದವೇನೊ ಎಂದೂ ನಾ ಕಾಣೆ

ಓ ವೊಳೆಯೆ (ಹೊಳೆಯೇ) ನಿನ್ನ ಓಟ ನಾ ನೋಡಲಾರೆ
ಓ ಅಲೆಯೇ ನಿನ್ನ ಆಟ ನಾ ಕಾಣಲಾರೆ
ನಿನ್ನ ಸಂಗ ಆಡುವಾಗ ನನ್ನ ನಾ ಮರೆವೇ, ನನ್ನ ನಾ ಮರೆವೇ 
ಓ ದ್ಯಾವ್ರೇ, ನಿನ್ನ ಅಂದ ಚಂದವೇನೊ ಎಂದೂ ನಾ ಕಾಣೆ

ಓ ಮುಗಿಲೇ ನಿನ್ನ ಬಣ್ಣ ನಾನೆಂದೂ ಕಾಣೆ
ಏಳು ಬಣ್ಣ ಅಂತಾರೆ ನಾನೊಂದು ಕಾಣೆ
ಸೋನೆಯಲ್ಲಿ ತೋಯುವಾಗ ನನ್ನ ನಾ ಮರೆವೇ, ನನ್ನ ನಾ ಮರೆವೇ
ಓ ದ್ಯಾವ್ರೇ, ನಿನ್ನ ಅಂದ ಚಂದವೇನೊ ಎಂದೂ ನಾ ಕಾಣೆ
ನಿನ್ನ ನೆನೆದು ಹಿಗ್ಗಿ ಹಿಗ್ಗಿ ಕುಣಿವೆ ನಿನ್ನಾಣೆ, ಕುಣಿವೆ ನಿನ್ನಾಣೆ, ಕುಣಿವೆ ನಿನ್ನಾಣೆ